Pagpapasigla ng turismo sa lalawigan ang tinalakay sa “Tongtongan: The Governor’s See Pangasinan” program kaugnay ng Tourism Month celebration.
Sa pangunguna ni Governor Ramon Mon-Mon Guico III
napag-usapan ang kalagayan ng Manleluag Spring Protected Landscape na matatagpuan sa Mangatarem. Isa itong National Protected Area na layong i-rehabilitate ang pasilidad at dagdagan ng mga forest ranger para manumbalik ang sigla ng turismo na apektado ng pandemya.
Sikat ang hot spring na bahagi ng Mt. Malabobo dahil sa natural nitong ganda na kanlungan din ng mga endangered species ng ibon at iba pang hayop. Inaasahang makakatulong ito para sa dagdag na kita ng lalawigan at trabaho para sa mga Pangasinense.
Dinaluhan din ang aktibidad nila PENRO Officer Raymond Rivera, CENRO Dagupan Officer Frank Vincent Danglose, 2nd District Board Member Philip Cruz, Provincial Administrator Melicio Patague II, Special Assistant to the Governor Von Mark Mendoza, Mangatarem Mayor Ramil Ventanilla, Councilor Andrea Cruz, DENR, PNP, Manleluag Protected Area Management Board Members, at ilang Barangay Captains.
Article & Photo Credits to Province of Pangasinan FB Page.
